Saýd Arabııasynda altynnan metro beketi soǵylatyn boldy
ASTANA. 23 mamyr. QazAqparat - Alty platformadan turatyn, qabyrǵasyna altyn jalatylǵan, shatyry shynydan metro beketiniń jobasy sáýletshi áıeldiń qolynan shyqqan.
Saýd Arabııasynyń astanasy - Er-Rııad qalasynda bastan-aıaq altynnan soǵylatyn metro týrısterdiń kózaıymyna aınalmaq. Sáýletshi Zaha Hadıd altynnan soǵylatyn metro beketiniń álemde kezdespeıtinin aıtyp otyr.
muslim.kz saıtynyń jazýynsha, tegi ıraktyq brıtan sáýletshisi, Prıttsker syılyǵynyń júldegeri shól daladaǵy qumdy tóbelerdi kóz aldyńa ákeletindeı etip metrony altynmen aptap, edenin mármárdan tóseýdi jón kórip otyr. Metronyń ishine kún sáýlesi erkin túsýi úshin tóbesi shynydan jabylatyn boldy.
Sondaı-aq, jer astynda kólik turaǵy men saýda alańy bar kóp qabatty ǵımarat ornalasady. Jańa metro beketiniń aýdany - 20 434 sharshy metr. Alty platforma, shaǵyn rels, áýejaıǵa aparatyn elektr poıyzy jáne qalaaralyq poıyzdar - metro beketiniń artyqshylyqtary bolyp tabylady.
Atalmysh joba Saýd Arabııasynyń koroli Abdýlla ıbn Ábdiáziz ál Saýdtyń da kóńilinen shyqty. Ol metro qurylysyn tórt jyldyń ishinde aıaqtaýǵa tapsyrma berdi.
