Saýd Arabııasynda alǵash ret áıel mýnıtsıpaldyq keńes depýtaty bolyp saılandy
ASTANA. QazAqparat - Koroldiktiń saılaý komıssııasy habarlaǵandaı, senbi kúni ótken mýnıtsıpaldyq saılaý qorytyndysy boıynsha Mekke provıntsııasynda Salma bınt Hızab al-Oteıbı mandatqa ıe boldy.
Saýd Arabııasynda ótken bul jolǵy mýnıtsıpaldyq saılaýǵa saılaýshy jáne úmitker retinde el tarıhynda alǵash ret áıelder qatysty.
Saılaý tolyqtaı nátıjesi keıinirek, aldaǵy jeksenbide jarııalanady. Jalpy alǵanda 5938 er adamdarmen birge 978 áıel kandıdat retinde tirkeldi.
Búgingi tańda ómirden ótken korol Abdalla 2011 jyly áıelderdiń saılaýǵa qatysýy týraly sheshim qabyldaǵan bolatyn.
Saılaýda mýnıtsıpaldyq keńestiń 2100 múshesi anyqtalady, taǵy 1050 korol kelisimimen taǵaıyndalady, dep habarlady Bı-bı-sı.
