Saýd Arabııasynda aqyn ólim jazasyna kesildi
ASTANA. QazAqparat - Saýd Arabııasynyń soty Islam dinin satty dep, ártis ári aqyn Ashraf Faııadty ólim jazasyna kesti. Bul týraly BBC habarlaıdy.
Palestındik aqyn dininen bas tartqany úshin basy kesilýi tıis degen sot qujaty Human Rights Watch quqyq qorǵaýshylarynyń qaraýyna ótti. Ashraf Faııadty 2013 jyly Saýd Arabııasynyń ońtústik-batysynda eldiń din polıtsııasy tutqyndaǵan. 2014 jyldyń basynda sot ony 4 jylǵa bas bostandyǵynan aıyryp, 800 dúre urý jazasyna kesken edi. Faııadtyń ózi bolsa, jabylǵan aıyptyń birde-bireýimen kelispegen. Ol ózin shyn musylmanmyn dep sanaıdy.
Ony turǵyndardyń biri Alla men paıǵambar atyna kir keltirdi dep aıyptaǵan bolatyn. Sondaı-aq kýáger 35 jastaǵy aqynnyń óleńderinde ateıstik ıdeıa jatyr dep aıyptaǵan eken. Buǵan sengen el soty aqyndy ólim jazasyna kesip otyr, dep jazady 24.kz.
