Saýd Arabııasynda ádepsiz beınebaıan túsirgen jigit 10 jylǵa sottaldy
ASTANA. 5 qazan. QazAqparat - Saýd Arabııasynyń soty aralaryndaǵy bireýi jalańash bılegen beınebaıandy ǵalamtorǵa ornalastyrǵany úshin tórt jigitke dúre soǵýǵa pármen berip qana qoımaı, uzaq jylǵa bas bostandyqtarynan aıyrdy.
Muslim.kz-tiń jazýynsha, Jazaǵa kesilgen jigitter, olardyń arasyndaǵy bireýi jalańash kúıinde avtokóliktiń ústine shyǵyp bılegenderin vıdeoǵa túsirip, ǵalamtorǵa ornalastyrǵan kórinedi.
Sot jalańash bılegen jigitke aýyr jaza kesti. Ol on jylǵa bas bostandyǵynan aıyrylsa, ekeýine dúre soǵylyp, 13 myń dolar aıyppul salyndy.
Memlekettik aıyptaýshylar olar jeńil jazamen qutylyp ketti dep esepteıdi. Beınebaıan túsiremiz dep jazyqty bolǵan paqyrlar isti qaıta qaratý úshin shaǵymdanýǵa quqyly ekenin aıta ketý kerek.
