Saýd Arabııasynda adam óltirgenniń basyn shaýyp tastady
ASTANA. 13 qarasha. QazAqparat - Saýd Arabııasynda keshe kisi óltirgeni úshin sottalǵan jergilikti turǵynnyń basyn shaýyp aldy,
dep habarlady Agence France-Presse eldiń ishki ister mınıstrligine silteme jasaı otyryp.
Mohammed bın Abdýlla al-Shamrı óziniń áriptesin atyp óltirgeni úshin kináli dep tanyldy, dep mınıstrdiń sózine silteme jasady aqparattyq SPA agenttigi. Bul istiń basqa mán-jaıy anyqtalmaı otyr.
Resmı málimetterge qaraǵanda, oqıǵa Saýd Arabııasynda 2012 jyly bolǵan 64-shi ólim jazasy. Quqyq qorǵaý Amnesty International uıymynyń málimetterine kóz júgirtsek, ótken jyly bul musylman memleketinde 79 adam ólim jazasyna kesilgen.
Aıta keteıik, Saýd Arabııasynda ólim jazasyna zorlaý, kisi óltirý, qudaıǵa senbeý, qarýmen tonaý jáne esirtki kontrabandasy sııaqty qylmystar úshin taǵaıyndalady.
