Saýd Arabııasynda 400-den astam sodyr tutqyndaldy
ASTANA. QazAqparat - Saýd Arabııasynyń polıtsııasy meshitke shabýyl jasamaq boldy degen kúdikpen 431 adamdy tutqyndady, dep habarlady «VVS» agenttigi.
Bılik ókilderiniń aıtýynsha, olar «Islam memleketi» terrorlyq uıymynyń músheleri. Olar polıtseıler men tekserý beketterine de shabýyl uıymdastyrmaq bolǵan.
Saýd Arabııasynda mamyr aıynda shıǵalar turatyn aýdandaǵy meshitte jarylys bolyp, 20 adam qaza tapqan bolatyn. Osy jarylysty «IM» sodyrlary óz moınyna alǵan.
Saýd Arabııasy AQSh jetekshilik etetin koalıtsııa quramynda Sırıa men Iraktaǵy «IM» sodyrlaryna qarsy áskerı is-qımyldarǵa qatysýda.
