Saýd Arabııasynda 4 jasar balasy ákesin oıyn prıstavkasyn satyp áperýden bas tartqany úshin óltirdi
ASTANA. 23 sáýir. QazAqparat - Saýd Arabııasynyń polıtseıleri kishkentaı balasynyń tapanshadan atý saldarynan qaza tapqan er adam óliminiń jaǵdaılaryn tergeýde, dep jazady NEWSru.com.
Balasy ákesin onyń Sony PlayStation oıyn beıneprıstavkasyn áperýden bas tartqan soń óltirdi.
Oqıǵa Djazan provıntsııasynda boldy, dep habarlaıdy Saýd Arabııasy polıtsııasy baspasóz qyzmetiniń ókili, maıor Abýl-Rahman az-Zahranıǵa silteme jasaǵan NEWSru Israel .
Onyń aıtýynsha, balasy ketip bara jatqan ákesinen onyń súıikti oıynshyǵyn áperýdi suraǵan. Biraq ákesi úıine oıynshyqsyz kelgenin kórgen bala yzaǵa býlyqqan.
Sol ýaqytta otbasy ıesi kıimin aýystyryp, tapanshasyn ústeldiń ústine qoıdy. Balasy tapanshany alyp, ákesiniń qaq mańdaıyna oq atty. Oq ákesiniń sol jaq kózine tıdi, er adam oqıǵa ornynda kóz jumdy.
