Saýd Arabııasynda 2020 jylǵa qaraı álemdegi eń bıik ǵımarat turǵyzylmaq
ASTANA. QazAqparat - Saýd Arabııasynda álemdegi eń bıik ǵımarat Kingdom Tower salynýda. Onyń qurylysy 2020 jylǵa qaraı aıaqtalady dep kútilýde. Quny 1,2 mlrd dollarǵa shyqpaq. Bul týraly Bloomberg habarlady.
Úsh aıaqty shtatıv prıntsıpi boıynsha qurastyrylyp jatqan ǵımarat jelge tózimdi etip salynbaq. Kók tiregen ǵımaratty turǵyzý úshin 80 myń tonna qurysh quıylady.
Eń bıik ǵımaratta qonaq úıler, keńseler, jeke apartamentter men kóptegen basqa qyzmet kórsetý oryndary ornalasady. Salynyp jatqan ǵımarat Kingdom City jobasynyń bir bóligine aınalady, onyń jalpy quny shamamen 20 mlrd. dollardy quraıdy.
