Saýd Arabııasynda 17 myńnan astam adam qajylyq qaýipsizdigin qamtamasyz etedi
ASTANA. QazAqparat - Saýd Arabııasynyń basshylyǵy ıslamnyń kıeli ornyna qajylyqqa barǵan ýaqytta tótenshe oqıǵalardyń aldyn alý úshin quzyretti organdar qyzmetiniń jumys josparyn qabyldady.
Ótken jylǵy birneshe júzdegen qajylyqqa nıet etýshiler qaza tapqan aşy tájirıbeden sabaq alǵan koroldik bıligi qajylyq ótkizýdi barynsha qaýipsizdendirýdi sheshti, dep habarlaıdy TASS.
Azamattyq qorǵanys basqarmasynyń basshysy general Súleıman ben Abdalla ál-Amr atap ótkendeı, elde bar barlyq resýrstardy jumyldyrý josparyn qajy isteri komıtetiniń tóraǵasy bolyp tabylatyn ishki ister mınıstri hanzada Muhammed ben Naıf Ál Saýd bekitti.
«17 myńnan astam qaýipsizdik organdarynyń qyzmetshileri qajylyq uıymdastyrýmen aınalysady. Bul rette 3 myń tehnıka jumyldyryldy», - degen ál Amranyń sózin keltirdi Arab News gazeti.
