Saýd Arabııasynda 130-dan astam adam qajylyq sapar kezinde qaza boldy
ASTANA. QazAqparat - Saýd Arabııasynda sársenbi kúni bastalǵan qajylyq kezinde sozylmaly aýrýlardyń asqynýynan 130-dan astam qajyǵa barýshy qaza boldy, dep habarlady halyqaralyq ıslam jańalyqtar agenttigine silteme jasap Rıa-Novostı.
Musylman qajylary Mekkedegi Masdjıd ál-Haram meshitiniń ishki aýlasyndaǵy áýlıelerge arnalǵan Qaǵbanyń janynda duǵa jasaıdy.
Agenttiktiń málimetteri boıynsha, Mysyrdan kelgen qajylardyń 14-i qaza bolǵan. Bul - kisi ólimine qatysty tirkelgen eń kóbi. Sonymen birge, musylmandar úshin áýlıe oryndarǵa barý kezinde Irak, Aljır, Sýdan, Marokko, Somalı, Iordanııa men Mavrıtanııadan kelgen táýip etýshiler jan tapsyrǵan. Qazir taǵy 213 qajylyqqa barýshy Saýd Arabııasynyń aýrýhanalarynda em qabyldap jatyr. Qajylyqqa bıylǵy jyly arab elderinen barlyǵy 265 myńnan astam turǵyn kelgen.
Islam paryzdarynyń biri - qajylyq, ony árbir musylman óteý úshin Mekke men Mádınaǵa barýlary kerek. Ol birneshe kúrdeli salttan turady, sonyń ishinde Arafat taýynda birneshe saǵat turady. Bul salttar ashyq aspan astynda kún ashyq kezde, aýanyń temperatýrasy 35 gradýstan kóterilgen kezde jasalady.
