Saýd Arabııasynda 10 myń ımam qysqartyldy
ABÝ-DABI. QazAqparat - Saýd Arabııasynyń ıslam isteri jónindegi mınıstrligi 10 myń naıb ımamdy bıýdjet qarjysyn únemdeý úshin qysqartyp jatyr. Únemdeletin aqsha kólemi 360 mln saýd rıaly (96 mln AQSh dollar).
Koroldiktiń bıligi naıb ımamdarǵa shtattaǵy ımam qyzmetine aýysý ne jumysyn múlde tastaý kerektigin eskertip, tańdaý berdi.
«Kóptegen adam naıb ımamdardyń aı saıyn 800 AQSh dollary kóleminde jalaqy alyp kelgenin synǵa alǵan bolatyn. Sebebi olar negizgi ımamdardyń orynbasarlary túk bitirmeıdi dep sanaıdy. Budan keıin osy kategorııadaǵy dinı qyzmetkerdiń jumysy tolyq jumys kúnine aýysyp, mindetti túrde dintaný boıynsha bakalavr deńgeıde bilimi bolýy talap etilmek», - dep málimdedi ıslam isteri jónindegi mınıstr.
