Saýd Arabııasy jyl sońynda munaı baǵasy $60 bolady dep boljaýda

ASTANA. QazAqparat - 2016 jyldyń sońynda munaı baǵasy barreline $60 deıin jetedi, dep málimdedi Stambýldaǵy 23 Halyqaralyq energetıka kongresinde Saýd Arabııasy energetıka, ónerkásip jáne mıneraldy resýrstar mınıstri Haled ben Abdel al-Faleh.

«Qazan aıynda nemese jyl sońynda baǵa $60 deıin jetedi», - dedi ol.

Mınıstrdiń aıtýynsha, Saýd Arabııasy munaı óndirisin turaqtandyrý boıynsha kelissózderde Reseıdiń jasampaz róline senim artyp otyr, dep jazdy TASS.

Saýd Arabııasy men Reseı birneshe kún boıy munaı óndirýdi qysqartý jáne álemdik munaı naryǵyndaǵy jaǵdaıdy qalypqa keltirý keleshegi máselelerin talqylaıdy, dep tolyqtyrdy Haled ben Abdel Azız al-Faleh.

«Biz reseılik energetıka mınıstri Aleksandr Novakpen eki kún kezdesip, munaı óndirý máseleleri jáne ózge de taqyryptardy talqylaýdy josparlaýdamyz. Reseılik taraptyń jaǵymdy róline senim artamyz», - dedi ol.