Saýd Arabııasy jýrnalısiniń óltirilýin qatań túrde aıyptaımyz - QR SІM

ASTANA. QazAqparat - Qazaqstan Respýblıkasynyń Syrtqy ister mınıstrligi Saýd Arabııasy jýrnalısiniń óltirilýin qatań túrde aıyptaıdy. Vedomstvoda ótken baspasóz máslıhatynda QR SІM resmı ókili Aıbek Smadııarov osylaı dep málimdedi, dep habarlaıdy QazAqparat tilshisi.

Saýd jýrnalısiniń óltirilýine qatysty biz jasalǵan qylmysty qatań túrde aıyptaıtynymyzdy habarlaımyz. Qorytyndy tergeý jumysynyń sońyn kútemiz», - dedi Aıbek Smadııarov.

Eske sala ketsek, Saýd Arabııasynyń bıligi jýrnalıst Djemal Kashıkchtyń eldiń Ystanbuldaǵy bas konsýldyǵynda bolǵan tóbeles kezinde kóz jumǵanyn jarııalaǵan bolatyn.

Saýd Arabııasynyń SPA agenttiginiń derekterine qaraǵanda, Koroldiktiń bas prokýratýrasy osy oqıǵany teksergen. Tekserý nátıjesinde jýrnalıst konsýldyqqa kirgennen keıin Saýd Aravııasynyń basqa azamattary arasynda tóbeles bolǵan.  Nátıjesinde Djemal Kashıkchy kóz jumǵan.

SAK Bas prokýratýrasynyń aqparatyna sáıkes, jýrnalıstiń ólimine qatysty oqıǵa tergep-tekserilip jatyr. Aqyry, Saýd Arabııasynyń 18 azamaty ustalǵan. Jáne bılik jýralıst ólimine qatysty kináliler mindetti túrde anyqtalyp, jazalanatynyn aıtýda.