Saýd Arabııasy WTI munaıynyń qunyn 2012 jyldan bergi eń tómengi deńgeıge deıin túsirdi
ASTANA. QazAqparat - Jeltoqsanda Tehass munaıyn jetkizý quny Nıý-Iorktegi saýdada bir barreli úshin 1,76(2,2%) dollardan 78,78 dollarǵa deıin tómendedi, dep habarlaıdy Rosbalt.
Sarapshylardyń aıtýynsha, munaı baǵasynyń tómendeýine Saudi Arabian Oil kompanııasynyń AQSh pen Azııa elderine ony eksporttaý baǵasyn túsirýi sebep bolǵan. «Saýd Arabııasynyń tarapynan atalǵan qadam onyń AQSh naryǵynda óz úlesin saqtap qalǵysy keletinin kórsetip otyr, ol jýyrda birshama kemip qalǵan bolatyn. Saýdtyqtar úshin osy baǵa men suranys deńgeıi kóńilge qonymdy bolsa kerek», - dep atap ótti Again Capital LLC hedj-qorynyń qyzmetkeri Djon Kıldaf. Onyń pikirinshe, Saýd Arabııasy qysta munaıǵa degen suranystyń bolýy olardyń jaı-kúıin nyǵaıtatýǵa múmkindik beretinine úmittenedi. Eske sala keteıik, 31 qazanda Nıý-Iork taýar bırjasynda WTI munaıy 0,7 paıyzǵa arzandady. Osylaısha ol bir barreli úshin 80,54 dollarǵa quldyrady. Sol kezde de Saýd Arabııasy óziniń naryqtaǵy úlesin saqtap qalý úshin baǵany tómen deńgeıde ustap turýǵa ázir ekeni atap ótilgen edi.
