Saýd Arabııasy úı sharýashylyǵyna adamdy «ózderinen tappaı», shetelden tartýdy kózdep otyr
ASTANA. 28 tamyz. QazAqparat - Saýd Arabııasy Eńbek mınıstrliginiń málimetine qaraǵanda, el turǵyndary úı sharýashylyǵyn dóńgeletip áketetin adamdarǵa zárý. Bul jaıynda Arab News habar taratty. Sońǵy ýaqytta osy eldegi úı sharýashylyǵyn júrgizetin adamdarǵa degen suranystyń artýy olardyń jalaqysynyń edáýir kóterilýine túrtki boldy.
El bıligi bul máseleni memlekettik akkredıtatsııadan ótken, shetelden jumysshy kúshin tartýmen aınalysatyn ondaǵan kompanııanyń kómegimen sheshýdi qup kórip otyr. Osyǵan oraı atalmysh kompanııalarǵa shetelden jumysshy kúshin tartýy úshin 700 myń vıza ashyp berýdi josparlap otyr. Olardyń kóbisi úı sharýashylyǵyn júrgizetin sheteldikterge beriledi.
Muslim.kz saıtynyń jazýynsha, atalmysh kompanııalar aıyna 1500 saýdııalyq rıaldan (400 dollar) artyq aqy almaıtyn kadrlardy taýyp beretinine ýáde berdi. Jumys berýshiler de olardyń shyǵynyna bas aýyrtpaıtyn boldy. Buǵan qosa, demalys kúnderi jumys istegen úı sharýashylyǵyndaǵy adamdarǵa tólenetin aqyny da rekrýtıngtik kompanııa óz moınyna alyp otyr.
