Saýd Arabııasy Sırııaǵa qarýly jasaq jiberýge ázir ekenin málimdedi
ASTANA. QazAqparat - Saýd Arabııasy Sırııaǵa arnaıy maqsattaǵy qarýly jasaq jiberýge ázir, - dep málimdedi koroldiktiń SІM basshysy Adel al-Djýbeır. Budan buryn Saýd bılikteri Sırııadaǵy jer ústi operatsııasyn qoldaýǵa ázir ekendikterin aıtqan, dep habarlaıdy reseılik RBK agenttigi.
Saýd Arabııasynyń SІM basshysy Adel al-Djýbeır qazir Sırııaǵa yqtımal jer ústi operatsııasyn jasaý máselesi talqylanýda ekenin málimdedi, dep habarlady Reuters agenttigi. Olardyń aıtýynsha, Saýd Arabııasy «Islam memleketimen» kúresý úshin arnaıy jasaq jiberýge ázir.
«DAISh-qa qarsy AQSh basqaratyn kaolıtsııa Sırııaǵa jer ústi operatsııasyn júrgizgeni týraly másele aınalasynda pikirtalas júrip jatyr. Saýd Arabııasy da mundaı operatsııa maquldansa, óz arnaıy jasaǵyn jiberýge ázir ekendigin habarlady», - dedi mınıstr.
Saýd Arabııasynyń málimdemesi Damaskiniń ashý-yzasyn týdyrdy. Sırııa vıtse-premeri men SІM basshysy Valıd Mýallem Sırııa aýmaǵyna kúshpen kiretin shetel agressorlary otanyna «tabytpen» qaıtatyn bolady dep málimdedi.
Keıin The Guardian gazeti Er-Rııad derekkózderine silteme jasap, Saýd Arabııasy túrik áskerimen birlese áreket etetin birneshe myńdaǵan arnaıy jasaqtar terrorǵa qarsy operatsııaǵa qatysý úshin jiberiletinin jazdy.
