Saýd Arabııasy naýryzda munaı ónimdiligin táýligine rekordtyq 10,3 mln barrelge deıin jetkizdi

ASTANA. QazAqparat - Saýd Arabııasynda naýryzda munaı ónimdiliginiń deńgeıi táýligine shamamen 10,3 mln barrelge deıin jetti. Bul el tarıhyndaǵy eń joǵarǵy kórsetkish. Osyǵan deıingi rekord 2013 jyldyń tamyzynda ornatylǵan. Ol kezde ortasha alǵanda táýligine 10,2 mln barrel óndirildi, dep Bloomberg agenttigine silteme jasap TASS habarlady.

Onyń aqparatynsha, bul málimetterdi seısenbi kúni Er-Rııadta Saýd Arabııasynyń munaı jáne mıneraldy resýrstar mınıstri Alı ben Ibragım an-Nýaımı aıtty. Alaıda ol naýryz aıynda «qara altynnyń» óndirisin ósirý negizdemesin (sebebin) aıtpady.

Bloomberg birneshe apta buryn ǵana mınıstr táýligine shamamen 10 mln barrel deńgeıin ustap turýǵa ýáde bergenin eske saldy. 10 naýryzda úkimet baǵdarlamasymen tanystyrǵan korol Salman ıbn Abdel Azız Al Saýd «qara altynnyń» baǵasynyń quldyraýyna qaramastan munaı jáne gaz ken oshaqtaryn qurý boıynsha jumystardy jalǵastyratynyn aıtqan.