Saýd Arabııasy munaı óndirý kólemi jaǵynan kósh bastap tur

ASTANA. QazAqparat - Bıylǵy jyldyń qarasha aıynda Saýd Arabııasyndaǵy munaı óndirý kólemi jýyrda ǵana OPEK-ke múshe ózge eldermen munaı óndirý kólemin qysqartý jónindegi kelisimge kelgenine qarmastan ózininiń sharyqtaý shegine jetti, dep habarlady Bı-ı-sı.

Reıter agenttigi bolsa, óziniń halyqaralyq uıymdaǵy derekkózine silteme jasaı otyryp, qarasha aıynda Saýd Arabııasyndaǵy óndirilgen munaı kólemi táýligine 10,72 mln barrelge jetkendigin habarlady. Koroldikte «qara altyn» óndirý osymen ekinshi ret eń úlken kórsetkishti kórsetip otyr. Shilde aıyna bir táýlikte óndirilgen munaı mólsheri 10,67 mln barrelge jetken.

OPEK uıymynyń taǵy bir derekkóziniń málimetteri boıynsha, munaı óndirý Irakta da arta túsip, kún saıyn olar 4,8 mln barrel kómirtegi óndirip otyrǵan kórinedi (salystyrmaly túrde alǵanda qazan aıynda bul el táýligine 4,7 mln barrel munaı óndirdi). Saýd Arabııasy OPEK uıymyna múshe eń iri munaı óndirýshi el retinde óndiris kólemin táýligine 10,05 mln barrelge jetkizetini jónine uıymǵa múshe ózge elderdiń aldynda ýáde bergen. Bundaı ýaǵdalastyqqa 30 qarashy kúni jasalǵan kelisim boıynsha qol jetkizildi.

Munaıdy qarasha aıynda rekordty kólemde óndirý bul elge moınyna alǵan jaýapkershilikti 2017 jyldyń qańtarynan bastap-aq júzege asyrý úshin bul áske aıtarlyqtaı kúsh salý qajet bolatyndyǵyn kórsetedi.

Ótken senbide Reseıdi qosa alǵanda munaı tasymaldaýshy memleketterdiń uıymyna kirmeıtin elderdiń ókilderi bas qosyp, munaı baǵasyn turaqtandyrý maqsatynda óndiris kólemin qysqartý jóninde kelisimge keldi.