Saýd Arabııasy munaı óndirý baǵytyndaǵy ınvestıtsııasyn $300 mlrd-qa jetkizýdi josparlap otyr

ASTANA. QazAqparat - Saudi Arabian Oil Co. (Saudi Aramco) Saýd Arabııasynyń memlekettik munaı óndirý kompanııasy munaı óndirý salasyndaǵy ınvestıtsııasyn 10 jyldyń ishinde $300 mlrd-qa jetkizýdi kózdep otyr. 

Bul týraly Ystanbuldaǵy Álemdik munaı kongresinde kompanııanyń bas dırektory Amın Nasser málimdedi, dep habarlaıdy Rosbalt.

Onyń aıtýynsha, munaı salasy áli uzaq jyldar boıy energetıkadaǵy basty oryndy ıelenetin bolady, sebebi janarmaıdyń balamaly kózderine ótý isi «uzaq ári qıyn».

Sonymen qosa, Nasser Saudi Aramco-nyń 10 jyldyń ishinde tabıǵı gazdy óndirýdi táýligine 23 mlrd tekshe fýtqa (650 mln tekshe metr) deıin jetkizýdi kózdep otyrǵandyqtaryn jarııalady. Osynyń arqasynda eldegi elektr energııasynyń 70%-i gazdan óndiriletin bolady. Bul G20 elderiniń arasyndaǵy eń joǵary kórsetkish.

Jeksenbi kúni ashylǵan kongreste 5 myń astam adam, sonyń ishinde 50 mınıstr men álemdik energetıkalyq kompanııalardyń 500 basshysy: Shell, BP, ExxonMobil, Chevron, Total, Saudi Aramco, SOCAR qatysýda. Іs-shara 13 shildege deıin jalǵasady.