Saýd Arabııasy munaı eksportyn táýligine 9 mln barrelge deıin ulǵaıtty
ASTANA. 26 aqpan. QazAqparat - Saýd Arabııasy ótken aptada munaı eksportyn 2012 jylǵy qańtardyń sońyndaǵy táýligine 7,5 mln barrelden 9 mln barrelge deıin ulǵaıtty, dep habarlady RBK.
Memleket budan ári jetkizilimniń bul deńgeıin qoldaýdy josparlaı ma, ázirge ol jaǵy belgisiz, dep habarlady Reuters eldiń munaı mınıstrligindegi derekkózge silteme jasap. Saýd munaıynyń Azııa elderine eksporty táýligine 6 mln barrelge deıin, AQSh-qa - táýligine 1,5 mln barrelge deıin ósti. Bul osy elderge munaı eksportynyń sońǵy úsh jyldaǵy eń joǵary deńgeıi.
Alynǵan málimetterge qaraǵanda, eksportty ulǵaıtýdyń basty sebebi munaıǵa baǵanyń ósýi bolyp otyr. Atap aıtqanda, brıtandyq Brent fıýchersteriniń barreli 125 dollarǵa jetti, bul sońǵy 9 aıdaǵy eń joǵary kórsetkish.
