Saýd Arabııasy mınıstri QR-da munaı óndirý kólemin azaıtý máselesin talqylaıdy
ASTANA. QazAqparat - Saýd Arabııasy energetıka, ónerkásip jáne mıneraldy resýrstar mınıstri Haled Al-Faleh Qazaqstanda 2017 jyldyń ekinshi toqsanynda munaı óndirýdi shekteý máselesin talqylaýǵa nıetti, dep habarlaıdy «QazAqparat» HAA tilshisi.
«Mınıstr Bozymbaev ekeýimizdiń de, eki eldiń de múddesi bir jerden shyǵyp jatatyn tus kóp. OPEK-ke múshe elder munaı óndirýdi azaıtý týraly ýaǵdalastyq jasady. Ózderińiz baıqaǵandaı, onyń nátıjesi naryqta kórinis tapty. Bul máselege qoldaý bildirgenderińiz úshin alǵys aıtamyz. Osy kúnderi - búgin-erteń kelisimdi uzartý máselesin talqylaǵym keledi», - dedi ol energetıka mınıstri Qanat Bozymbaevpen kezdesýden keıin ótken baspasóz máslıhatynda.
Ol senbi kúni Baqytjan Saǵyntaevpen kezdesetinin habarlady.
«Men erteń QR Premer-Mınıstrimen kezdesip, aldaǵy jartyjyldyqta ne isteıtinin suraımyn. Naryqtyń alǵa jyljyp jatqanyn atap ótken jón», - dep atap ótti sheteldik mınıstr.
Eske salaıyq, Qazaqstan OPEK-ke shıkizat óndirýdi 2016 jylǵy kórsetkishpen salystyrǵanda (táýligine 1,7 mıllıon barrel) osy jyldyń birinshi jartysynda táýligine 20 myń barrelge deıin azaıtýdy ýáde etken bolatyn.
