Saýd Arabııasy men Malazııa halal vaktsınalar óndirmek
ASTANA. QazAqparat - Saýd Arabııalyq kompanııa malazııalyq Halal ónerkásibin damytý korporatsııasymen (HDC) yntymaqtasa otyryp, aldaǵy úsh jylda ıslam talaptaryna sáıkes keletin vaktsınalardy daıarlamaq, dep habarlaıdy azan. kz.
HDC basshysy Djamıl Bıdınniń sózine qaraǵanda, ekpeni daıarlaýmen aınalysyp jatqan jergilikti jáne sheteldik mamandar jáne sharıǵat sarapshylary menıngıtti, gepatıt jáne epıdemııalyq menıngıti emdeýge arnalǵan preparattardy shyǵarmaq. «Biz halal talabyna keletindeı vaktsınany qaıta qurý ádisterin izdestirýdemiz jáne ony tez arada aıaqtaýǵa úmittenemiz»,-dedi ol. Tyıym salynǵan ónimderdiń quramynsyz jasalǵan vaktsınalar qajylyq jasaıtyn adamdarǵa qajet. Ásirese, menıngıtke qarsy ekpeler tek musylmandar arasynda ǵana emes, sonymen qatar ózge de dindi ustanatyndar arasynda úlken suranysqa ıe bolady, dep boljap otyr Djamıl. «Ekpe paıda bolǵannan keıin adamdar balama vaktsınany ektire alady. Osy úsh ekpeni daıarlaǵannan keıin, biz ózge vaktsınalardy daıarlaýǵa kirisemiz»,-dep túıdi ol.
