Saýd Arabııasy koroliniń Frantsııadaǵy demalysy daýǵa aınaldy
ASTANA. QazAqparat - Saýd Arabııasynyń koroli Salman ıbn Abdýlazız ál-Saýdtyń demalýy úshin Frantsııadaǵy Kógildir jaǵalaýdyń (Lazýrnyı bereg) bir bóligin jergilikti bıliktiń ýaqytsha jaýyp tastaýy úlken daýǵa aınaldy, dep jazady sheteldik BAQ.
Vallorıs qalasynyń ákimshiligi 400 adamnan turatyn Saýd koroli jaqyndarynyń qaýipsizdigi úshin jaǵalaýdyń jartysy qorshalǵanyn rastady. ıAǵnı, koroldiń demalysy kezinde qorshalǵan bólik ózge adamdar úshin jabyq bolady. Bul sheshim jergilikti jáne osy jaǵalaýda jıi demalatyn adamdardyń qarsylyǵyn týǵyzdy. Sonymen qatar, korol demalatyn vılladan jaǵalaýǵa deıingi lıft qurylysy da eldiń narazylyǵyn týǵyzdy. Saýd Arabııasynyń ókilderi demalys bite salysymen qorshaý alynyp tastaıtynyn aıtyp, ýáde berdi.
