Saýd Arabııasy koroli Nursultan Nazarbaevqa qasıetti Qaǵbanyń jamylǵysyn syıǵa tartty
ASTANA. QazAqparat - Saýd Arabııasynyń Koroli Qazaqstanǵa resmı saparmen kelýge nıetti. Bul jaıynda búgin Aqordada QR Prezıdenti Nursultan Nazarbaevqa senim gramotasyn tapsyrǵannan keıin Saýd Arabııasy Koroldiginiń elshisi Zahır ben Mýtısh ál-Anezı málim etti, dep habarlaıdy QazAqparat.
«Senim gramotasyn tapsyrǵanym úshin qýanyshtymyn. Qazaqstan Respýblıkasynyń Joǵary mártebeli Prezıdentine Saýd Arabııasynyń Koroliniń sálemin jetkizdim. Prezıdent myrza Saýd Arabııasy koroli joldaǵan qasıetti Qaǵbanyń jamylǵysyn qýanyshpen qabyl aldy. Sonymen qatar Saýd Arabııasy Koroliniń Qazaqstan Respýblıkasyna resmı saparmen kelý nıeti kórsetilgen hatyn jetkizdim. Qudaı qalasa sapar jaqyn arada oryn alady degen úmitimiz bar», - dedi ol.
Aıta keteıik, búgin Aqordada Qazaqstan Prezıdentine Marokko Koroldiginiń elshisi Abdeljalıl Sobrı, Ońtústik Afrıka Respýblıkasynyń elshisi Kııtýmettsı Sııpelo Tandeka Mettıýs, Birikken Arab Ámirlikteriniń elshisi Mýhammed Ahmed Sýltan Isa al-Djaber, Saýd Arabııasy Koroldiginiń elshisi Zahır ben Mýtısh ál-Anezı, Malaızııa elshisi Dato Saıd Mohamad Bakrı Bın Saıd Abdýl Rahman, Grýzııa elshisi Zýrab Abashıdze, Mońǵolııa elshisi Lývsan Battýlga senim gramotasyn tabys etken bolatyn.
