Saýd Arabııasy Koroldiginiń Islam isteri mınıstri daǵdarys kezindegi qundylyqtardy atady
Bul týraly Saýd Arabııasy Koroldiginiń Islam isteri, ýaǵyz jáne nasıhat jónindegi mınıstri sheıh Abdýllatıf ben Abdýlazız Abdrahman Ál ash-Sheıh aıtty, dep habarlaıdy QazAqparat tilshisi.
«Órkenıetter arasyndaǵy dıalogty qalpyna keltirýde tıimdi ról atqaratyn bul forýmdy joǵary baǵalaımyz. Álemdegi daǵdarys, apat jáne qaqyǵystar kezinde din kóshbasshylarynyń adamdardyń ómirine áseri men mańyzy artyp keledi», - dedi Abdýllatıf ben Abdýlazız Abdrahman Ál ash-Sheıh elordadaǵy Álemdik jáne dástúrli dinder lıderleriniń VII sezinde.
Osy oraıda ol qıyndyqqa tap bolǵandar erekshe qoldaýǵa muqtaj ekenin atap ótti.
Budan bólek Saýd Arabııasynyń ókili koronavırýs daǵdarysy men onyń saldary álemge áli de qaýip tóndirip turǵanyn jetkizdi.
«Bul daǵdarys kemedeginiń jany bir ekenin kórsetti. Adamdar álem elderi tap jahandyq problemalar men syn-qaterlerdi eskere otyryp, ózara dıalogty saqtaý úshin yntymaqtasýy kerek. Atap aıtqanda, kedeılik, azyq-túlik tapshyly, indet jáne basqa da problemalarǵa tótep berý mindeti tur», - dedi Abdýllatıf ben Abdýlazız Abdrahman Ál ash-Sheıh.
Budan buryn habarlanǵandaı, elordadaǵy Táýelsizdik saraıynda Álemdik jáne dástúrli dinder lıderleriniń VII sezi ótip jatyr.
Qazaqstan Prezıdenti Qasym-Jomart Toqaev din kóshbasshylarynyń adamgershilik qundylyqtardy dáripteýge qosqan úlesin atady.
