Saýd Arabııasy qajylyqty óteý qunyn jarııalady

Arabian Business basylymynyń habarlaýynsha, osy baǵytta jumys isteý quqyǵyna 62 kompanııa ıe bolǵan. Bul qajylyq kompanııalary qajylyqqa kelýshilerge eń tómengi baǵada qyzmet kórsetý jaıly mindetteme aldy.

Quzyretti orynnyń sheshimimen osy jylǵy qajylyq baǵasy qyzmet kórsetý jáne ózge de sıpattaryna baılanysty 2500-5000 saýd rıalymen belgilendi.

Qajylyq mınıstrliginiń ókiliniń málimdemesine súıensek, úkimet qajylyq kompanııalaryna kórsetilgen baǵalardy kótermeý jaıly tapsyrma berdi. Vedomstvoda sondaı-aq qajylyq kompanııalary musylmandarǵa sapaly qyzmet kórsetetinin aıtty.

Esterińizde bolsa, ótken jyly Saýd bıligi qajylyq kompanııalarynyń qyzmet kórsetý baǵalarynyń naryqtaǵy qunynyń qoljetimdi bolýy úshin kompanııalardyń ishki baǵa saıasatyna belsendi túrde aralasqan bolatyn, dep habarlaıdy «Nur Astana» ortalyq meshitinen.