Saýd Arabııasy qajylyqqa baratyndarǵa koronavırýs shekteýlerin alyp tastady

ER-RIıAD. QazAqparat – Saýd Arabııa bıligi koronavırýs pandemııasyna baılanysty qajylyq jasaýǵa qoıylǵan shekteýlerdi alyp tastady, dep habarlaıdy QazAqparat «Anadoly» agenttigine silteme jasap.

«Qajylyqqa keletin adam sany pandemııaǵa deıingi kórsetkishke jetedi, jas mólsherine qatysty shekteý bolmaıdy», - dedi koroldiktiń Qajylyq jáne umra mınıstri Taýfıq ál-Rabııa.

Mınıstrdiń sózinshe, endi olar Saýd Arabııasynda qyzmetterdi kórsetý boıynsha kez kelgen ókiletti kompanııamen kelisimshart ornata alady.

«Seriktesterimizben birge qajylyqqa kelýshilerdiń jumysyn jeńildetý maqsatynda NUSK platformasyn iske qostyq», - dep atap ótti Taýfıq ál-Rabııa.

Saýd Arabııa bıligi keıingi tórt jylda COVID-19 taralýynan qaýiptenip qajylyq jasaýshylar sanyn shektegen bolatyn.

Buǵan deıin qazaqstandyqtar úshin qajylyq jasaý qoljetimdirek bolatyny habarlanǵan. Sebebi, Saýd Arabııasy Qajylyq jáne umra mınıstrligi barynsha qoldaý kórsetedi.

Foto: aa.com.tr