Saýd Arabııasy qajylyq sapardy keıinge qaldyrýdy ótindi
ASTANA. 18 maýsym. QazAqparat - Saýd Arabııasynyń bıligi álemdik musylman qaýymdastyǵyna bıylǵy jyldyń qajylyq jáne ýmra saparyn keıinge shegere turý týraly resmı úndeý jarııalady,
dep habarlaıdy QMDB saıty.
Qazirgi ýaqytta qasıetti Mekke qalasyndaǵy Ál-Haram meshitinde jáne basqa da qasıetti oryndarda kúrdeli jóndeý jumystary júrip jatyr.
Saýd Arabııasy eliniń bas múftıi Abdel Ázız Ál-Sheıhtyń málimdeýinshe, resmı bılik atalǵan qurylys jumystaryna baılanysty qajylyqqa kelýshilerdiń sanyn aldaǵy 2-3 jylda qysqartýǵa májbúr bolyp otyr.
