Saýd Arabııasy katarlyqtarǵa qajylyq saparǵa kelýge ruqsat berdi
ÁBÝ-DABI. QazAqparat - Saýd Arabııasynyń koroli Salman ben Abdýlazız katarlyq qajylarǵa elektrondyq ruqsattamasyz el shekarasynan ótýge ruqsat berdi, dep habarlaıdy «QazAqparat» HAA tilshisi.
Arabııalyq monarhtyń sheshimine Katar koroldik otbasy múshesi, sheıh Abdýlla bın Álı bın Abdýlla ben Djasem Ál Tanıdyń araaǵaıyndyǵy áser etti. Saýd Arabııasynyń murager hanzadasy Muhammed bın Salman sársenbi kúni keshke Djıddadaǵy Ál-Salam saraıynda sheıh Abdýlla bın Álı bın Abdýlla ben Djasem Ál Tanıdy qabyldady.
Kezdesý barysynda sheıh Abdýlla Koroldik pen Katar arasyndaǵy baýyrlastyq qarym-qatynastyń tarıhy tereńde ekendigin atap ótti. Sheıh Abdýlla Salva aımaǵyndaǵy ekijaqty shekarany kesip ótýge múmkindik berý týraly usynys aıtty.
Saýd Arabııasynyń koroli qajylyqqa baratyn barlyq Katar turǵyndaryna Salva aımaǵyndaǵy shekarany ashyp, kesip ótýge ruqsat berýge kelisimin berdi. Sonymen qatar, korol Katar azamattaryn qajylarǵa arnalǵan elektrondyq ruqsattamasyz jiberetindigin aıtty.
Sondaı-aq, korol Salman barlyq katarlyq qajylardy halyqaralyq Kıng Fahad áýejaıynan Dammamǵa jetkizýdi mindettep, halyqaralyq Ál-Asa áýejaıynan turǵyndardy tegin tasylmaldap jáne Salman Bın Abdýla Ázız Ál Saýd baǵdarlamasynyń Qajylyq pen Ýmraǵa arnalǵan bóligin tapsyrdy.
Oǵan qosa, korol Salman Saýd Arabııasynan Dohaǵa ushaq jiberip, katarlyq qajylardy Djıddaǵa jetkizedi jáne oǵan ketken shyǵyndy óz qaltasynan tóleıdi.
