Saýd Arabııasy Iranmen dıplomatııalyq qarym-qatynasyn úzdi
ASTANA. QazAqparat - 3 qańtarda Saýd Arabııasynyń syrtqy ister mınıstri Adel ál-Djýbeır koroldik Iranmen dıplomatııalyq qarym-qatynasty úzetini jaıly málim etti. Tegerannyń dıpmıssııasy koroldik aýmaǵynan 48 saǵat ishinde ketýi tıis. Qarym-qatynastyń úzilýine Saýd Arabııasynyń 47 adamdy ólim jazasyna kesip, olardy óltirgennen keıin Irandaǵy SA dıplomatııalyq ókildigindegi buqaralyq tártipsizdik sebep boldy, dep habarlady RIA Novostı.
Saýd Arabııasynyń SІM basshysy Adel ál-Djýbeır 3 qańtarda koroldik pen Iran arasyndaǵy dıplomatııalyq qarym-qatynas úziletinin málimdedi.
Iran dıplomattary, sonymen qatar dıpmıssııamen baılanysty qurylymdar SA aýmaǵynan 48 saǵat ishinde ketýi tıis. Saýd bıligi Irannyń «Saýd Arabııasyndaǵy qaýipsizdigine nuqsan keltirmeýi úshin» osyndaı áreketke bardy degen sózderin agenttik keltirdi.
Saýd Arabııasy Irannan dıplomatııalyq mıssııanyń 47 qyzmetkeri men olardyń januıalaryn shyǵardy, dep habarlady koroldik SІM ókili Ýsama an-Naklı.
Eske sala keteıik, osyǵan deıin 3 qańtarda Avstrııa SІM basshysy eki eldegi áriptesterimen telefon arqyly sóılesip, Iran jáne Saýd Arabııasynyń ókilderi eki el arasyndaǵy shıeleniske qarsy ekenin habarlady.
2016 jyly 2 qańtarda SA ІІM lańkestikke qatysy bar dep aıyptalǵan 47 adamdy ólim jazasyna kesti. Olardyń ishinde saýd bıligine qatysty ótkir syn aıtýymen belgili bolǵan shııt ýaǵyzshysy Nımr an-Nımr bar. Bul jańalyq Taıaý Shyǵystaǵy jáne eýropalyq elderde narazylyq týdyrdy, al Tegeranda narazylyq bildirýshiler SA elshiliginde búlik shyǵardy.
