Saýd Arabııasy hanzadasyna jarııalanǵan ólim jazasynyń sebebi belgili boldy
BÝ-DABI. QazAqparat - Saýd Arabııasynyń ishki ister mınıstrligi hanzada Týrkı bın Saýd al-Kabırdi ólim jazasyna kesip, jazanyń oryndalǵandyǵyn rastady, dep habarlaıdy QazAqparattyń Taıaý Shyǵystaǵy tilshisi.
Bılik basyndaǵy otbasy múshesiniń osydan úsh jyl buryn Saýd Arabııasynyń ózge azamatyn óltirgendigi úshin aıypty dep tanyldy. Koroldiktiń ІІM málimdeýinshe, hanzada Er-Rııadtaǵy toptyq tóbeleste Adel bın Sýleıman bın Abdýl Karım Mohammedti óltirgen.
Tergeý sharalarynan keıin Saýd Arabııasy Koroldiginiń quqyq qorǵaý organdary hanzadaǵa qylmys jasady degen aıyp taǵyp, ol is sotqa jiberildi. Saýd Arabııasynyń apellıatsııalyq soty men Joǵarǵy soty hanzada Týrkıdi ólim jazasyna kesý jónindegi sheshimdi qoldady.
Marqum zardap shegýshiniń otbasy úkimniń oryndalýyn talap etti. Sondaı-aq, ІІM málimdemesinde Saýd Arabııasynyń Koroli Salmannyń qaýipsizdikti, ádilettilikti jáne Jaratýshy paıymyna aınymas adaldyǵyn qoldaıtyny habarlanǵan.
Sondaı-aq, Koroldik monarhy kinásiz jandarǵa shabýyl jasap, qan tógýge tyrysqandardyń barlyǵynyń zańǵa sáıkes jazalanatynyn eskertti.
