Saýd Arabııasy erler arasyndaǵy Olımpıada oıyndaryn ótkizýge usynys bildirdi
ASTANA. QazAqparat - Saýd Arabııasy tek erlerge arnalǵan Olımpıada oıyndaryn ótkizýge usynys bildirdi. Bul týraly The Telegraph habarlady.
Saýd Arabııasy Olımpıada oıyndaryn ótkizý týraly ótinimin Bahreınmen kelisip, birge bermek. Al bul el ózderinde tek áıelderge arnalǵan saıystardy uıymdastyrýdy kózdep otyr.
Halyqaralyq olımpıada komıtetiniń prezıdenti Tomas Bahtyń jynystyq kemsitýshilikke jol bermeıtin qaǵıdaǵa baılanysty mundaı ótinimdi qabyldaý múmkin emestigin aıtqany habarlandy.
2012 jylǵa deıin Saýd Arabııasy tarapynan Olımpıadalarǵa tek er adamdar ǵana qatysqan, sebebi bul eldiń zańy boıynsha áıelderge tyıym salynǵan. 2012 jylǵy Londondaǵy Olımpıadanyń aldynda HOK memleketke qysym jasady. Nátıjesinde tarıhta alǵash ret Saýd Arabııasynan eki áıel Oıyndarǵa qatysty: Olar: jeńil ziltemirshi Sara Attar men dzıýdoshy Vodjan Shahrhanı.
