Saýd Arabııasy elimizde ǵylymı-tehnologııalyq alqapty qurý jobasyna qatysady
Bul jaıynda kelisim qazaqstandyq jetekshi JOO rektory akademık Ǵalym Mutanovtyń Saýd Arabııasy ǵylym jáne ınnovatsııa mınıstriniń orynbasary Nasser Muhammed ál-Akılmen kezdesýi kezinde jasaldy.
Sapar barysynda Saýd Arabııasynyń ǵylym jáne ınnovatsııa mınıstriniń orynbasary QazUÝ-dyń ǵylymı-bilim berý jáne ınnovatsııalyq qyzmeti , ǵylymı jobalary, ortalyqtary jáne zerthanalarymen tanysty. Nasser Muhammed ál-Akıl ýnıversıtet ınfraqurylymynyń aýqymdylyǵy men damýyn erekshe atap ótti. Onyń pikirinshe , bul ásirese joǵary tehnologııalar salasynda zamanaýı talaptarǵa saı jáne jáne kásipke ońtaıly keledi .
Tehnoparki pen sýperkompıýteri bar zamanaýı halyqaralyq IT-klaster ıadrosy bolatyn, jańa tehnologııalar men ınnovatsııalardy damytý salasynda álem ýnıversıtetteriniń yntymaqtastyǵynyń jańa platformasy – ál-Farabı ǵylymı-tehnologııalyq alqabyn qurý jobasy qonaqtardyń úlken qyzyǵýshylyǵyn týdyrdy. Mınıstrdiń orynbasary ony júzege asyrýǵa Saýd Arabııasynyń ýnıversıtetterin, sondaı-aq ǵylymı-tehnologııalyq alqap ınfraqurylymyn damytý men zertteý jobalaryn qarjylandyrý úshin ınvestorlardy tartýǵa daıyn ekendikterin aıtty.
Eki jaqty múddelilikti eskere otyryp, taraptar kollaboratsııa baǵyttaryn tyńǵylyqty talqylaý úshin QazUÝ jáne Saýd Koroldigi ýnıversıtetiniń mamandary men ǵalymdarynan jumys tobyn qurdy. Jaqyn arada ǵaryshtyq tehnologııalar, IT jáne bıotehnologııa, hımııa jáne fızıka, nanotehnologııalar jáne basqa salalardaǵy jobalardy iske asyrý boıynsha birlesken zertteý ortalyqtaryn qurý jospary belgilendi.
Elbasy men QR Prezıdenti qoldaýyna ıe bolǵan ál-Farabı ǵylymı-tehnologııalyq alqabynyń jobasy ǵylymı ázirlemelerdi kommertsııalandyrýǵa jáne olardy ekonomıkanyń naqty sektoryna engizýge baǵyttalǵan ulttyq ınnovatsııalyq júıeniń biregeı ósý núktesi bolmaq.
