Saýd Arabııasy balalardy qajylyqqa ákelýge tyıym salýdy qarastyrýda
ASTANA. QazAqparat - Saýd Arabııasynyń bıligi qajylyqqa 10 jasqa deıingi balalardy ákelýge tyıym salý máselesin qarastyrýda. Buǵan qajylyq maýsymyndaǵy aptap ystyq pen qajylyq rásimderin oryndaýda balalarǵa qıynshylyqtar týyndaıtyny sebep bolyp otyr, dep habarlaıdy «Nur Astana» ortalyq meshitinen.
Qajylyq mınıstrligi ata-analarǵa ózderimen birge balalaryn alyp kelmeýlerin ótinýde, sebebi, balalardyń kúnniń ystyǵyna urynyp qalýy nemese ınfektsııa juqtyryp, aýyryp qalýy múmkin deıdi sheneýnikter.
Bıylǵy qajylyq qazan aıyna sáıkes keldi, alaıda kelesi jyldary bul ýaqyt jaz maýsymyna qaraı jyljıtynyn eskersek, qajylyq rásimderin óteý ýaqytynda balalarǵa qıynshylyqtar týady.
«Bul sheshim adam ómirin saqtaý úshin qabyldanyp otyr», - dep málim etti qajylyq mınıstrligi.
