Saýd Arabııasy azamattarynyń sharıǵatqa qaıshy esimderin aýystyrtqyzýda
ASTANA. 6 maýsym. QazAqparat - Saýd Arabııasy azamattarynyń sharıǵatqa qaıshy keletin esimderin ózgertýge nıettenip otyr. Ondaılardyń qatarynda Málik (perishte), Nábı (paıǵambar), Ábdirasýl (Elshiniń quly), Ábdinábı (paıǵambar quly) sekildi esimder kiredi. Bul jaıynda al-Arabiya basylymy habar taratty.
Saýd Arabııasynyń azamattar hali departamenti óziniń qolastyndaǵy 130 bólimshesine esimi sharıǵatqa qaıshy azamattardy anyqtap, olardyń tizimin jasaýǵa tapsyrma berdi.
muslim.kz saıtynyń jazýynsha, derekkózderge súıensek, esimderi sharıǵatqa teris azamattarǵa túsindirý jumystary júrgizilip, olarǵa nyspysyn aýystyrý jóninde talap qoıylady. Eger bul talapty oryndaýdan bas tartatyndar kezdesetin bolsa, olarǵa zań turǵysynda shara qoldanady.
