Saýd Arabııasy aýmaǵynan erte zamandaǵy meshit orny tabyldy
ASTANA. QazAqparat - Saýd Arabııasy aýmaǵynda arheologııalyq zertteý júrgizip jatqan frantsýz jáne saýdııalyq ǵalymdar toby Islam dini alǵash tarala bastaǵan zamandarǵa tıesili kóne meshittiń ornyn taýyp otyr, dep habarlady www.muslim.kz.
18 sarapshydan turatyn arheologtar toby El-Hardj qalasy mańyndaǵy al-ıAmama degen jerde qazba jumystarymen aınalysyp jatqan bolatyn. Qazba jumystary barysynda olar hıjra jyl sanaǵy boıynsha 1-5 ǵasyr arasynda jumys istegen iri meshittiń ornyn anyqtaǵan. Úlken aýmaqty alyp jatqan meshittiń jabyq etip salynǵan úsh zaly bar.
Arheologtar tabylǵan meshittiń úlkendigi boıynsha arab túbegindegi úshinshi meshit ekenin (Mekke qalasyndaǵy Haram meshiti men Madına qalasyndaǵy Paıǵambar (s.ǵ.s.) meshitinen keıingi) aıtyp otyr.
