Saýd Arabııasy AQSh úshin munaı baǵasyn kóterdi

ASTANA. QazAqparat - Saýd Arabııasynyń memlekettik munaı kompanııasy eýropalyq tutynýshylar úshin qara altyn qunyn 35 tsentke arzandatty. Esesine AQSh-qa satatyn munaıdy 10 tsentke qymbattatqan. Bul týraly The Wall Street Journal basylymyna siltememen 24.kz habarlady.

Sarapshylar Saýd Arabııasynyń mundaı sheshim qabyldaýyna Iran men Eýropa arasyndaǵy saýdanyń qaıta jandana bastaýy sebep bolǵanyn aıtady. Búginde bul el kári qurlyq elder naryǵyna táýligine 800 myń barrel munaı eksporttaıdy. Al Iran 400 myń barrel ǵana saýdalaıdy. Biraq aldaǵy ýaqytta Iran basshylyǵy saýda kólemin 700 myń barrelge deıin kóterýdi kózdep otyr.