Saýd Arabııasy 4 kúndik jumys aptasyna kóshýdi qarastyryp jatyr
ASTANA.QazAqparat - Saýd Arabııasy jumys aptasyn qysqartyp, úsh demalys kúnin engizý múmkindigin qarastyryp jatyr. Bul týraly eldiń Adam resýrstary jáne áleýmettik damý mınıstrligi málim etti, dep habarlaıdy QazAqparat Al Arabia arnasyna silteme jasap.
Áleýmettik jelidegi saýalǵa mınıstrliktiń Twitter-degi qoldaý toby qazirgi ýaqytta jumys júıesi qaıta qaralyp, demalysty eki kúnnen úsh kúnge uzartý múmkindigin qarastyryp jatqanyn aıtty.
Ózgerister mınıstrliktiń birneshe ret baǵalaýymen qaralady.
Sarapshylar jumys oryndarynyń sanyn ulǵaıtý jáne jergilikti jáne halyqaralyq ınvestıtsııalar úshin eńbek naryǵynyń tartymdylyǵyn arttyrý joldaryn saraptaıdy.
Jumys aptasyn qysqartý qujatynyń jobasy qoǵamdyq talqylaýǵa arnalǵan saýalnama platformasynda da bar.
Joba júzege assa, Saýd Arabııasy qysqartylǵan jumys aptasyn engizgen Birikken Arab Ámirlikterinen keıingi ekinshi el bolady.
2022 jyldyń 1 qańtarynda BAÁ jańa 4½ kúndik jumys aptasyna aýysyp, demalys kúnderin juma-senbiden senbi-jeksenbige aýystyrdy.
Juma kúnderi bıýdjettik uıymdar men mektepter tek túske deıin jumys isteıdi.
BAÁ-degi Shardjada qyzmetkerler aptasyna úsh kún - juma, senbi jáne jeksenbi kúnderi demalady.
Shardjada tórt kúndik jumys aptasy engizilgennen keıin bir jyldan astam ýaqyt ótkende úkimet júrgizgen zertteý jumysshylardyń ónimdiligi, psıhıkalyq densaýlyǵy 90 paıyzǵa artqanyn kórsetti.
