Saýd Arabııasy 2015 jylǵy bıýdjetin munaıdyń bir barreliniń qunyn $80 mólsherinde belgileýmen qurady
ASTANA. QazAqparat - Saýd Arabııasy 2015 jylǵy bıýdjetin munaıdyń bir barreliniń baǵasyn 80 dollar esebimen qurastyrdy, dedi eldiń qarjy mınıstrliginiń burynǵy ekonomıkalyq keńesshisi Djon Sfakıanakıs (John Sfakianakis).
Aǵymdaǵy jyly el bıýdjeti (onyń tabysynyń 89%-y munaıdan túsken paıda) munaıdyń bir barreliniń baǵasy 103 dollar esebinen quralǵan, dep habarlady RIA Novostı. Osylaı qurastyrylǵan bıýdjet naryqqa degen senimdilikti arttyrady, dep esepteıdi Sfakıanakıs. "Barlyǵy bıýdjet munaı baǵasy 60 dollardan bolatynyn eskerýmen quralady dep kútken edi. Alaıda ol munaı naryǵy úshin teris áserin tıgizýi múmkin. Munaı barreline 80 dollar baǵa jaǵdaıynda shyǵynsyz bıýdjet bolǵannyń ózinde Úkimet naryqtaǵy munaı baǵasynyń qalpyna keletinin kútetinin aıtady", - dedi mınıstrliktiń burynǵy keńesshisi. Osy aptada Saýd Arabııasynyń qarjy mınıstrligi kelesi jyly josparlanǵan shyǵyndar kólemi 860 mıllıard saýd rıalyn (229 mıllıard dollar) quraıtynyn habarlaǵan. Bul aǵymdaǵy jyly josparlanǵan shyǵynmen teń. 2015 jyly memleket tabysy 715 mıllıard rıal quramaq. Bıyl bul kórsetkish 1,05 trıllıon rıaldy quraǵan. Bıylǵy jazda munaı baǵasy kúrt tómendedi. Sarapshylar ony naryqtaǵy usynystardyń kóp bolýymen baılanystyrady. OPEK elderiniń 27 qarashadaǵy kúnine 30 mıllıon barrel deńgeıinde munaı óndirý kvotasyn saqtaý sheshimi munaı qunynyń quldyraýyn kúsheıtti.
