Saýd Arabııasynyń «Uıqydaǵy hanzadasy» qaıtys boldy

ASTANA. KAZINFORM — Saýd Arabııasynyń «Uıqydaǵy hanzadasy» atanyp ketken hanzada Ál-Valıd ıbn Haled ıbn Talal Ál Saýd 20 jyldyq komadan keıin ómirden ozdy.

Bul týraly H áleýmettik jelisinde onyń ákesi, hanzada Haled ıbn Talal ıbn Abdýlazızge habarlady. Hanzadanyń jasy 36-da boldy.

2005 jyly ol Londonda oqý kezinde jol apatyna túsip, mıyna qan quıylyp, komaǵa túsken. Sodan beri ol Er-Rııadtaǵy korol Ábdýlazız atyndaǵy medıtsınalyq ortalyqta jasandy tynys alý apparatyna qosylyp, dárigerlerdiń turaqty baqylaýynda bolǵan.

Hanzadanyń ákesi balasyn jasandy dem alý qurylǵysynan ajyratýǵa qarsy bolǵan. Jyldar boıy onyń emine AQSh pen Ispanııadan kelgen sheteldik mamandar tartylǵanymen, hanzada esin jımastan kóz jumdy.

Budan buryn Nıgerııanyń burynǵy prezıdenti Muhammadý Býharı 83 jasynda Londondaǵy aýrýhanada kóz jumǵany habarlandy.