Saýd Arabııasynyń ókili Arab parlamentiniń tóraǵasy bolyp saılandy
ASTANA. KAZINFORM — Saýd Arabııasy Konsýltatıvtik keńesiniń múshesi Saad ál-Ýteıbı Arab parlamentiniń tóraǵasy bolyp saılandy, dep habarlaıdy Anadoly.
Arab parlamentiniń málimdeýinshe, jańa basshylyqty saılaý otyrysy Kaır qalasyndaǵy Arab memleketteri lıgasy Bas hatshylyǵynyń shtab-páterinde ótti.
Saad ál-Ýteıbı bul qyzmette 2024 jylǵy qazannan beri tóraǵa bolǵan Birikken Arab Ámirlikteriniń ókili Muhammed bın Ahmed ál-ıAmahıdi almastyrdy.
Saılaýdan keıin sóz sóılegen ál-Ýteıbı ózine júktelgen jaýapkershilikti úlken mártebe sanaıtynyn aıtty. Onyń sózinshe, bul Saýd Arabııasynyń joǵary mártebesin, aımaqtaǵy yqpaly men arab elderiniń ortaq isin nyǵaıtýdaǵy kópjyldyq rólin kórsetedi.
Ol ózinen burynǵy tóraǵaǵa atqarǵan jumysy úshin alǵys aıtyp, qol jetkizilgen nátıjelerdi jalǵastyrýǵa, Arab parlamentiniń bedelin nyǵaıtyp, arab álemi úshin mańyzdy máselelerdi sheshýdegi tıimdiligin arttyrýǵa nıetti ekenin jetkizdi.
Ál-Ýteıbıdiń aıtýynsha, arab elderiniń birlesken jumysy qajettilik týyndaǵanda ǵana qoldanylatyn tásil bolýdan qalyp, arab áleminiń qaýipsizdigin nyǵaıtýǵa, múddelerin qorǵaýǵa jáne ortaq ustanym qalyptastyrýǵa múmkindik beretin turaqty ári mańyzdy tetikke aınalǵan.
Ol arab áleminiń basty máselesi bolyp otyrǵan Palestına máselesi parlament kún tártibindegi basym baǵyttardyń biri bolyp qala beretinin atap ótti.
Onyń sózinshe, parlament Palestına halqynyń zańdy quqyqtaryn, ásirese astanasy Shyǵys Ierýsalım bolatyn táýelsiz Palestına memleketin qurý quqyǵyn qorǵaýdy jalǵastyrady.
Ál-Ýteıbı bul quqyqtar halyqaralyq quqyq normalaryna sáıkes qabyldanǵan qararlar men Arab beıbitshilik bastamasy negizinde qamtamasyz etilýge tıis ekenin aıtty.
Sondaı-aq ol Arab parlamentine arab áleminiń úmiti men suranysyna jaýap berý úshin jańartylǵan kózqaras pen tıimdirek jumys tetikteri qajet ekenin jetkizdi.
Arab parlamentiniń reglamentine sáıkes, tóraǵa eki jyl merzimge saılanady. Ony tek bir ret qaıta saılaýǵa bolady.
Arab parlamenti týraly
Arab parlamenti Arab memleketteri lıgasynyń ınstıtýty retinde jumys isteıdi. Ony qurý týraly sheshim 2001 jyly Ammanda ótken Arab memleketteri lıgasynyń sammıtinde qabyldandy.
Parlamentti qurý týraly qaýly 2005 jyly qabyldanyp, 2012 jylǵy naýryzda Baǵdadta ótken sammıtte oǵan turaqty mártebe berildi.
Arab parlamentiniń alǵashqy turaqty otyrysy 2012 jylǵy 12 jeltoqsanda ótti. Uıymnyń shtab-páteri Kaır qalasynda ornalasqan.
Buǵan deıin Saýd Arabııasynyń hýsıttermen qaqtyǵysynan soń munaı baǵasy óskenin jazǵanbyz.
