Saýd Arabııasynda kópultty teńiz koalıtsııasy jumysyn bastady
ASTANA. KAZINFORM — Óńir elderi men halyqaralyq seriktester teńizdegi qaýipsizdikti qamtamasyz etýge baǵyttalǵan jańa bastamany júzege asyrýǵa kiristi, dep habarlaıdy Kazinform agenttiginiń menshikti tilshisi.
Kópultty birikken teńiz kúshteri koalıtsııasy sársenbi kúni jedel jumys kezeńine kóship, Saýd Arabııasyndaǵy komandalyq shtabynan jumysyn bastady. Bul týraly koroldiktiń Qorǵanys mınıstrligi málimdedi.
Koalıtsııa qolbasshysynyń orynbasary qyzmetine Pákistan Áskerı-teńiz kúshteriniń kommodory Rashıd Sheıh taǵaıyndaldy.
Shtab jumysyna koalıtsııaǵa qatysýshy memleketterdiń, sondaı-aq oǵan qosylý rásimin aıaqtap jatqan elderdiń baılanys ofıtserleri de kiristi.
التحالف البحري الدفاعي متعدد الجنسيات يبدأ مرحلة العمل الفعلي من مقر قيادته، بمباشرة العميد البحري الركن راشد شيخ من جمهورية باكستان الإسلامية مهامه نائبًا لقائد التحالف، إلى جانب ضباط ارتباط من عدد من الدول الأعضاء، والدول التي تعمل على إجراءات الانضمام إلى التحالف، فيما تُستكمل… pic.twitter.com/GYgqPlSyH9
— وزارة الدفاع (@modgovksa) September 2, 2026
Mundaı sheshim tamyz aıynda Jıddada ótken josparlaý jónindegi úshinshi otyrysta maquldanǵan uıymdastyrý jumystary aıaqtalǵannan keıin qabyldandy. Jıynǵa 39 eldiń ókilderi qatysty.
Koalıtsııa qolbasshysy qyzmetine Saýd Arabııasy kontr-admıral Abdýlla ash-Shehrıdi taǵaıyndady.
Birlestik Qyzyl teńizdegi, Bab-el-Mandeb buǵazy men Aden shyǵanaǵyndaǵy halyqaralyq sý joldaryn, saýda baǵyttaryn, jetkizý tizbekteri men energetıkalyq ınfraqurylymdy qorǵaýmen aınalysady.
Er-Rııad koalıtsııanyń tek qorǵanys sıpatynda ekenin, BUU Jarǵysy men halyqaralyq quqyq normalaryna sáıkes áreket etetinin jáne qandaı da bir memleketke nemese uıymǵa qarsy baǵyttalmaǵanyn atap ótti. Oǵan múddeli kez kelgen memleket qosyla alady.
Eske sala keteıik, AQSh prezıdenti Donald Tramp Saýd Arabııasymen jasalatyn azamattyq ıadrolyq kelisimniń basty sharty retinde Izraılmen qarym-qatynasty qalypqa keltirýdi atady.
