Saýd Arabııasynda qajylyq kezinde 1,3 myń adam qaıtys boldy

ASTANA. KAZINFORM - Saýd Arabııasynda qajylyq kezinde 1,3 myńnan astam qajy qaıtys boldy. Bul týraly koroldiktiń densaýlyq saqtaý mınıstri Fahd ben Abdel Rahman al-Djalıadjel málimdedi, dep jazady TASS agenttigi.

«Qajylyq kezinde qaıtys bolǵandar sany 1301 boldy, olardyń 83 paıyzynda tıisti vıza bolmaǵan», - dedi mınıstr «Ál-Ihbarııa» memlekettik telearnasynda.

Buǵan deıin habarlanǵandaı, qaza bolǵan qajylardyń sany 1,1 myńnan asyp jyǵylady, onyń jartysynan kóbi Mysyr azamattary. Qajylyq kezinde 672 mysyrlyq qajy qaıtys boldy, olardyń tek 31-ine ǵana Saýd Arabııasy bıligi arnaıy vıza bergen. Qalǵandary tirkelmeı, zańsyz qajylyq jasaǵan.

Saýd Arabııasyndaǵy birneshe arab elderinen kelgen dıplomatııalyq derekkózdiń habarlaýynsha, tirkelmegen qajylar kondıtsıoneri bar demalys oryndaryn paıdalana almaı, tártip saqshylary qajylyq vızalaryn tekseretin baqylaý-ótkizý pýnktterinen jaltaryp, ashyq kún astynda uzaq saparǵa shyǵýǵa májbúr bolǵan. Qatty aptap ystyqta sozylmaly aýrýlary asqynyp, fızıkalyq turǵydan sharshap, qaıtys bolǵan. Kóbine egde jastaǵy adamdar kóz jumdy.

Buǵan deıin Mekkege qajylyqqa barǵan 550 adam aptap ystyqtan kóz jumǵanyn jazǵan bolatynbyz.