Saýd Arabııasynda qar jaýdy

ASTANA. KAZINFORM – Saýd Arabııasynyń soltústiginde sırek kezdesetin tabıǵat qubylysy tirkeldi: birneshe oblysta qar jaýdy, dep habarlaıdy Kazinform tilshisi.

Tabýk pen Haıl taýly aımaqtarynda, ásirese Djabal ál-Láýz taýynyń mańyndaǵy aýmaqtar qar astynda qaldy. Jergilikti turǵyndar men atalǵan óńirdiń qonaqtary shańǵy teýip, shanamen syrǵanap, qar astynda serýendedi. Tabıǵattyń sırek qubylysy týraly vıdeolar áleýmettik jelilerde tez tarap ketti. 

Saýd Arabııasynyń Ulttyq meteorologııalyq ortalyǵy osyǵan deıin aımaqta bolǵan tsıklonnan keıin aýa temperatýrasynyń kúrt tómendeýi jáne qar jaýýy múmkin ekeni týraly eskertý jasaǵan bolatyn. 

Eske sala keteıik, budan buryn Saýd Arabııasynyń shyǵysyndaǵy Esh-Sharkııa provıntsııasynda aýa raıyna baılanysty eskertýdiń qyzyl deńgeıi jarııalanǵanyn jazǵan edik.