Saýd Arabııasynda AQSh pen Reseı arasynda kelissózder júrip jatyr

ASTANA. KAZINFORM – Saýd Arabııa astanasy Er-Rııad qalasynda AQSh pen Reseı delegatsııasy kelissózderi bastaldy.

Kelissózderge qatysý úshin reseılik taraptan Reseı prezıdentiniń kómekshisi ıÝrıı Ýshakov pen syrtqy ister mınıstri Sergeı Lavrov kelgen. Sonymen qatar eki memleket delegatsııalarynyń júzdesýine Reseı tikeleı ınvestıtsııalar qorynyń basshysy Kırıll Dmıtrıev te qatysyp otyr.

Al amerıkalyq taraptan kezdesýge qatysýshylar mynalar: Qurama Shtattardyń memlekettik hatshysy Marko Rýbıo, AQSh prezıdenti Donald Tramptyń ulttyq qaýipsizdik jónindegi keńesshisi Maık Ýoltts jáne Aq úıdiń Taıaý Shyǵystaǵy elshisi Stıv Ýıtkoff.

Munan bólek, kelissózderge Saýd Arabııadan syrtqy ister mınıstri Feısal Ben Farhan ál-Saýd pen Saýd Arabııanyń ulttyq qaýipsizdik jónindegi keńesshisi Mýsaıd ben Mýhammed ál-Aıban qatysýda.

Kelissózder Er-Rııadtaǵy Dırııa saraıynda ótip jatyr.

Reseı AQSh kelissóz Iranmen yntymaqtastyqqa eshqandaı áser etpeıtindigin málimdep otyr.

- Reseılik-amerıkalyq kelissózderdiń bastalýy Máskeýdiń Tegeranmen yntymaqtastyǵyna áser etpeıdi, - dep habarlady seısenbi kúni TASS aqparat agenttigi Kreml baspasóz hatshysy Dmıtrıı Peskovke silteme jasap.

- Reseı Iranǵa onyń ıadrolyq baǵdarlamalarymen baılanysty problemalardy sheshý úshin kómek kórsetýge daıyn, - dep qosty Peskov.

Amerıkalyq kompanııa Reseıden ketýi saldarynan 300 mlrd dollar joǵaltyp otyr. Reseı tikeleı ınvestıtsııalar qorynyń basshysy Kırıll Dmıtrıev reseılik jáne amerıkalyq sheneýnikter arasyndaǵy Er-Rııadta josparlanǵan kelissózder óte mańyzdy ekenin aıtady. Sonymen qatar ol bir kezderi Reseıden ketken amerıkalyq iri munaı kompanııalary qaıta oralady dep sanaıtyndyǵyn alǵa tartady.

- Amerıkalyq kompanııalar Reseıden ketkennen keıin shamamen 300 mlrd dollar joǵaltqanyn túsiný óte mańyzdy. Osylaısha, kóptegen el úshin aýqymdy ekonomıkalyq shyǵyn bar. Qazirgi ýaqytta ne bolyp jatqanyn ózderińiz de bilesizder jáne biz alǵa qaraı jol sheshim dep sanaımyz, - dedi ol kelissózder aldynda.

Qytaı kelissózderge «barlyq múddeli taraptyń» qatysqanyn qalaıdy.

Qytaı búgin Saýd Arabııasyndada josparlanǵan amerıkalyq-reseılik kelissózderdi qoldaıtyndyǵyn bildirdi. Al eldiń BUU-daǵy bas elshisi dúısenbi kúni «barlyq múddeli tarap» oǵan jumyldyrylýy tıis ekenin málimdedi.

Qytaı paıymy Ýkraınaǵy qaýipsizdik kepilin berýge daıyn ekendikterin málimdegen jáne Kıevke Máskeýmen beıbit kelisim kelissózderin jasaspaı toqtaýǵa kóný qaýipti bolatynyn eskertken eýropalyq kóshbasshylardyń pikirlerin qaıtalaıdy.

Zelenskıı men Erdoǵan soǵys jaıyn jáne ekijaqty baılanystardy talqylaıdy.

Ýkraına prezıdenti Vladımır Zelenskıı Túrkııa prezıdenti Redjep Taııp Erdoǵanmen Ankarada saǵat 14:00-de kezdesedi. Zelenskıı ushaǵy demalys kúni Ankaradaǵy Esenboǵa áýejaıyna kelip qonǵan bolatyn.

Eki eldiń kóshbasshylary kelissózderden keıin tús aýa birlesken baspasóz máslıhatyn ótkizbek.

- Bırmıngem ýnıversıtetiniń Saýd Arabııanń syrtqy saıasaty jónindegi sarapshy Omar Karım búgin ótetin kezdesý Saýd Arabııa basshylyǵynyń Tramppen de, Pýtınmen de tyǵyz dostyq qarym-qatynas ornatqanan bildiredi jáne bul Saýd Arabııanyń eki tarap úshin de beıtarap, dostas jáne serimdi uıym ekendigin kórsetedi, - dep habarlady AFP.

VVS-diń habarlaýynsha, amerıkalyq tarap búgingi kezdesýdiń máni kelissózderdi bastaýda emes, Reseıdi Ýkraınadaǵy soǵys toqtaýǵa umtylysynyń shynaıylyǵyn anyqtaýǵa baǵyttalǵanyn atap ótken.

Reseı AQSh-pen qarym-qatynasyn durystaý basty basymdyq ekendigin málimdeýde.

Bul kezdesýdiń qandaı bóligi jabyq esik jaǵdaıynda ótetindigi belgisiz.

Kreml baspasóz hatshysy Dmıtrıı Peskov jýrnalısterge kelissózderdiń «eń birinshi kezekte reseılik-amerıkalyq qarym-qatynastyń barlyq jıyntyǵyn qalpyna keltirýge arnalatyndyǵyn» málimdedi.

Sonymen qatar ol «Ýkraına qarary boıynsha kelissózder jáne eki prezıdenttiń kezdesýin uıymdastyrý múmkindigi” talqylanatyndyǵyn aıtty. Reseılik dıplomattarǵa etene derekkózi sanktsııadardy alyp tastaý negizgi taqyryptardyń biri ekendigin atap ótedi.

Osyǵan deıin Reseı men AQSh delegatsııalarynyń Saýd Arabııasyndaǵy kezdesýi qashan ótetini belgili bolǵan edi.