Saýd Arabııasynda 70 jyldan beri alǵash ret ishimdik dúkeni ashyldy

ASTANA. KAZINFORM – Caýd Arabııasynyń jarııalaýynsha, Er-Rııadta 70 jyldan astam ýaqyt ishinde alǵashqy alkogol dúkeni ashylady, ondaǵy sýsyndar musylman emes dıplomatııalyq qyzmetkerlerge satylady, dep jazady VVS.  

Dúkenniń klıentteri dıplomatııalyq qyzmetkerler ǵana bolmaq. Olar uzaq jyldar boıy alkogoldik sýsyndardy dıplomatııalyq poshta retinde tanymal mórlengen resmı qaptamamen ımporttaǵan.

Elde bul tyıym 1952 jyly korol Abdýl Ázızdiń uldarynyń biri mas kúıinde brıtandyq dıplomatty atyp óltirgennen keıin kúshine engen.

Dúken birneshe apta ishinde ashylady dep kútilýde.

Ol Er-Rııadtyń dıplomatııa kvartalynda, qala ortalyǵynyń batysynda ornalasady.

Munda kelýshilerge kelesi shekteýler qoıylady:

• Aldyn ala tirkelip, memleketten ruqsat alý qajet.
• Dúkenge 21 jasqa tolmaǵandar kirgizilmeıdi jáne onyń ishinde árqashan «tıisti kıim talap etiledi».
• Alkogol satyp alý úshin beıtanys adamdy, mysaly júrgizýshini jiberýge bolmaıdy.
• Aı saıynǵy shekteýler engiziledi.

Kelýshiler aıyna alkogoldi 240 «upaıǵa» deıin satyp ala alady. Bir lıtr spırttik ishimdik alty upaıǵa, bir lıtr sharap - úsh upaıǵa, bir lıtr syra bir upaıǵa baǵalanady.

Saýd Arabııasynyń resmı ókilderiniń málimdeýinshe, dúken «alkogoldi zańsyz satýǵa» qarsylyq tanytady.

Parsy shyǵanaǵynyń basqa elderinde osyǵan uqsas rejımder bar.

Alaıda BAÁ men Katarda qonaqúıler, klýbtar men barlarda 21 jastan asqan musylman emes tulǵalarǵa alkogol satý ruqsat etilgen.

Saýd Arabııasynyń qoldanystaǵy zańnamasyna sáıkes, alkogoldi tutyný nemese saqtaý úshin jazalaý aıyppul, túrmege qamaý, kópshilik aldynda soqqyǵa jyǵý jáne deportatsııany qarastyrady.