Saýd Arabııasynda 18,5 saǵatqa sozylǵan operatsııa nátıjesinde fılıppındik sıam egizderi ajyratyldy
ASTANA. KAZINFORM - Saýd Arabııasyndaǵy aýrýhanalardyń birinde Fılıppınnen kelgen sıam egizderin ajyratý operatsııasy sátti ótti. Kúrdeli hırýrgııalyq operatsııa 18,5 saǵatqa sozyldy, dep habarlaıdy Anadoly.
Saýd baspasóz agenttigi (SPA) málimetinshe, bas súıekteri birigip ketken Klıa men Morıs Ennge jasalǵan operatsııa Er-Rııadtaǵy Korol Abdalla atyndaǵy balalar mamandandyrylǵan aýrýhanasy bazasynda júrgizilgen. Oǵan 30-ǵa jýyq dáriger-maman qatysqan.
Derekkózge sáıkes, operatsııa bes kezeńnen turyp, 18,5 saǵattan keıin sátti aıaqtalǵan.
Egizder Saýd Arabııasyna ota jasaý úshin 2025 jyldyń mamyr aıynda jetkizilgen. Mamandar bul operatsııanyń asa kúrdeli ekenin atap ótkenine qaramastan, hırýrgııalyq em-shara tolyq tabysty aıaqtaldy.
SPA taratqan aqparatta balalardyń naqty jasy kórsetilmegen. Alaıda keıbir buqaralyq aqparat quraldary olardyń shamamen alty jasta ekenin jazady.
Osyǵan deıin qytaılyq robottardyń Brazılııadaǵy naýqasqa qashyqtan joǵary dáldiktegi ota jasaǵany týraly jazdyq.
