Saýd Arabııasynan 200-den astam qyrǵyz azamaty eline oraldy
ASTANA. KAZINFORM – Jıddadan eki repatrıatsııa reısimen Bishkek pen Oshqa barlyǵy 210 qyrǵyz azamaty jetti, dep habarlaıdy Kazinform agenttiginiń Bishkektegi tilshisi.
Jıdda-Bishkek reısimen 90 azamat, Jıdda-Osh reısimen 120 adam eline oraldy.
Qyrǵyzstan Syrtqy ister mınıstrliginiń habarlaýynsha, qol jetkizilgen ýaǵdalastyqtarǵa sáıkes, bul baǵyttar boıynsha reıster turaqty túrde aptasyna úsh ret – sársenbi, juma jáne jeksenbi kúnderi Bishkekke, al dúısenbi, sársenbi jáne juma kúnderi Oshqa qatynaıdy.
Sonymen qatar 4 naýryzdan 5 naýryzǵa qaraǵan túni Omannan Birikken Arab Ámirlikterinde bolǵan 360 qyrǵyzstandyq mingen eki reıs keledi dep kútilip otyr.
Syrtqy ister mınıstrligi Qyrǵyz Respýblıkasy azamattarynyń aman-esen oralýyn qamtamasyz etý boıynsha jumys jalǵasyp jatqanyn atap ótti.
Budan buryn Qyrǵyzstan óz azamattaryn evakýatsııalaý týraly kelissóz júrgizip jatqanyn jazǵanbyz.