Saýd Arabııasyna jasalǵan soqqydan eki adam qaza bolyp, 12-si jaraqat aldy
ASTANA. KAZINFORM – Saýd Arabııasynda turǵyn úıge túsken snarıad saldarynan eki adam ólip, 12 adam jaraqat aldy, dep habarlaıdy Anadoly.
Saýd Arabııasynyń resmı aqparat agenttiginiń eldiń Azamattyq qorǵanys qyzmetine silteme jasap habarlaýynsha, soqqy El-Hardj provıntsııasynyń ortalyq bóligindegi turǵyn úı keshenine tıgen.
Mert bolǵandar Úndistan men Bangaladesh turǵyndary bolyp shyqty.
Málimdemede turǵyn úıler ornalasqan aýdandarǵa jasalǵan soqqylar halyqaralyq gýmanıtarlyq quqyqqa qarsy ekeni aıtylǵan.
Oq-dáriniń túri týraly eshqandaı aqparat joq.
Osyǵan deıin Irannyń Parsy shyǵanaǵyndaǵy AQSh-tyń áskerı nysandaryna shabýyl jasaǵany týraly jazdyq.
