Saýd Arabııasyna qajylyqqa barǵan 8 ózbekstandyq qaza tapty

TAShKENT. KAZINFORM – Saýd Arabııasyna qajylyq paryzyn óteýge barǵan Ózbekstannyń 8 azamaty kóz jumdy, dep habarlaıdy Kazinform agenttiginiń menshikti tilshisi.

— Ókinishke qaraı, Ózbekstan úkimeti tarapynan qabyldanǵan tıisti sharalarǵa qaramastan, sozylmaly derti bar 4 otandasymyz qajylyq kezinde qaıtys boldy. Sonymen qatar osy aralyqta quzyrly organdardyń eskertýin elemeı, Saýd Arabııasyna zańsyz barǵan 4 Ózbekstan azamaty qaza tapty. Zańsyz joldardy paıdalana otyryp, atalǵan eldiń aýmaǵyna engen ózbekstandyqtarǵa alǵashqy medıtsınalyq kómek kórsetilmedi, — delingen Syrtqy ister mınıstrligine qarasty «Dunyo» aqparat agenttiginiń habarlamasynda.

Resmı derekke saı, bıyl 15 myńnan astam ózbekstandyq qajylyq paryzyn ótedi. Osy aralyqta qujatyn joǵaltqan 40-tan asa adam Djıdda qalasyndaǵy Ózbekstannyń Bas konsýldyǵyna ótinish joldaǵan. Tıisinshe, olarǵa otanyna oralýǵa ruqsat beretin kýálikter berilgen.

Eske salaıyq, buǵan deıin Saýd Arabııasynda qajylyqqa adamdardy zańsyz aparǵan 6 azamat ustalǵanyn jazyp edik.

Sonymen qatar Saýd Arabııasynyń bıligi qajylyq erejelerin buzǵandarǵa qatań aıyppuldar engizdi.

Munymen birge, bıyl Saýd Arabııasy qajylyq kezinde Mekkege kirýge jańa shekteýler engizdi.